Is réimse gníomhaíochtaí iad cártaí gníomhaíochtaí digiteacha Sheachtain Teicneolaíochta 2021, atá le fáil thíos, a cheap foireann JCt4. Tá téama ginearálta ag na cártaí .i. teicneolaíocht sa tsochaí, agus béim iontu ar an róbataic, nuálaíocht ábhair, saincheisteanna comhshaoil, ról an dearthóra, todhchaí na taiscéalaíochta spáis agus dul chun cinn na hIntleachta Saorga sa domhan. Ar gach cárta, tá naisc chuig láithreáin ghréasáin, físeáin YouTube, agus ailt do scoláirí chun dul i ngleic leo i seomra ranga na Teicneolaíochta Feidhmí. Cuimsíonn gach cárta ceisteanna pras freisin chun plé agus smaointeoireacht chriticiúil a spreagadh le mic léinn.