Teicneolaíochtaí

Tá fáilte mhór romhat chuig an Treoir ghairid seo maidir leis na hábhair do Lá FGL Theicneolaíocht Adhmaid 2021/2022. Tá sé i gceist leis an Treoir seo forléargas a thabhairt ar inneachar, teachtaireachtaí agus pointí plé na n-ábhar FGL agus tú ag tabhairt fúthu mar dhuine aonair, mar bhall de ghrúpa múinteoirí nó de Roinn Ábhair. Beidh na hábhair úsáideach do mhúinteoirí nach raibh in ann freastal ar an gceardlann i dTeicneolaíocht Adhmaid ar a gcnuaslá FGL 2021/2022, do mhúinteoirí nua-cháilithe, nó do mhúinteoirí atá ag teagasc Teicneolaíocht Adhmaid den chéad uair sa tSraith Shóisearach. Beidh na hábhair ina ndíol spéise fosta do mhúinteoirí a d'fhreastail ar an gceardlann FGL mar chuid den chnuaslá 2021/2022 acu agus ar mhaith leo dul siar ar na hábhair.

Bhí an cheardlann ar siúl thar thrí sheisiún ar an gcnuaslá. Dá bhrí sin, tá an cur i láthair roinnte againn ina thrí chuid le gur féidir leat tabhairt faoi ar líne. Tá forléargas (i bhfoirm bhlurba) curtha leis seo againn le gach sraith ábhar, ag léiriú croí-inneachar na gCumhachtphointí, na bhfíseán nó na n-ábhar eile. Cuideoidh gach forléargas leat a aithint cad é atá i gceist leis an rannóg nó cén chuid ar mhaith leat dul siar air san am atá ar fáil agat.

Is féidir le múinteoirí leagan digiteach den loga foghlama a íoslódáil le húsáid i gcomhar leis an gceardlann FGL. B'fhéidir nár mhiste le múinteoirí cóip chrua den loga foghlama a phriontáil freisin.  

Tá an loga foghlama i bhformáid pdf agus tá naisc úsáideacha ann chuig doiciméid, acmhainní agus físeáin eile. Ar an gcúis seo, moltar duit an leagan digiteach in-íoslódáilte a úsáid